Maite-maite zaudaz

Aurraitz

 Maite-maite zaudaz, maitasun samurrez, Belen'go

 aska otzean Iosu. Maite gurasoen

 etxalde apalean, txiro, Nazaret'en,

 mutiko otzan, lanean, geuri irakas-gogo.

 Maite zeure ibillerai jarrai itsaso, mendi

 ta maurtu, alazgille, erri leunari otzez,

 alegi entzungarri eta ulertzerrezez,

 zeru-bide irakatsiz arbuiatzen ludi.

 Maite astotxuaren ganean apalki,

 ta Bidali-artean, aparitan, geutzat

 indargarri geratzen, ustetsu Zeuganat

 el gaitezan, ezaldi guztietan, baiki.

 Maite Getsemani'ko baratzean larri,

 odol-izerdi otzez, Aitari otoizka

 Areago ziorrez astintzen, txu-urtika,

 zauri-gordin, kurtzeaz, buruan elorri.

 Maite-maite kurutzean geuarren opari,

 soiña odol-iturri, biotza zabalik,

 erailtzaille ankarrai maitez parkaturik,

 arnasea emoten Betiko Aitari.

 Maite Berbizkundean, pizten, aintzaz, dirdaiz

 Tabor-mendian maite, zerura igoten

 Eta maite be maite elizako gentzaren

 bakartada ixillean, Unai, On, geuri deiz

 Maitasun ontan, Iosu, iraun gura dot beti.

 Indazu ez daidala obenakaz atzin:

 -Zeugandik aldezkero biotzean samin-

 Garbi biur nai dautsut asken-atsa Zeuri.