Lurmentzen doaz edurrak
Aurraitz
Joaten ba'dira egoaz
etorko dira legoaz.
Joaten ba'dira euriz,
etorko dira berriz.
(Esakera zarra)
Egoiaren igurtziaz
lurmentzen doaz edurrak.
Lerrak iņarrosi dabez
neguko longain zuriak.
Berun eta ubel osertzak,
udabarrira bidean.
Zidorrak umel ta ameskoi
neguari agurkeran.
Edoi illunen bitartetik
euzki-izpiak larri datoz,
basoen loa itxartuez,
argitasun eta margoz
Ez otz ez bero aroa;
kadentasunez egutza:
Bestaldeko deiai adi,
eresiz daukat biotza.
Egoiaren bizkarrean
txorien poza jostari;
egaztaden igieran
itxaropena dantzari.
Lurmentzen doaz edurrak
egoiaren igurtziaz
Bakezko bizikerea
elduko al da bedatsaz
|