Josulagunatzaz zerbait
Atxubiya
Josu lagunen alde dijuaz
gaurko nere olerkiak
anai-arrebak entzun zazute
nik gaur dagizkidan deiak
Belgica aldian negarrez daude
josulagun gure anaiak
Loyola berriz lotu ziguten
etsai maltzurren katiak
Aita Iņaki'ri otoi dayogun
irikitzeko atiak.
Belgica aldian arkitzen baira
josulagunak negarrez
Azpeiti'n ere etzait iruitzen
iņor dabillenik parrez
Oik txiro askoi laguntzen zioten
saritxo bana emanez
Ikastolak debalde eta
jantzi, jan eta eranez
ortik oldoztu josulagunak
onak diraden edo ez.
Beti-betiko goguan artu
bertsolarien esanak
josulagunak bialdu dizku
etsai maltzurraren lanak
Orien aurka jaikitzen dira
ludiko gizon txar danak
ezerestu ta zapaldu nairik
Josu ta Iņaki'ren izenak
aundi gaiztuak diran tokian
ordaintzen du txiki onak.
Negargarrizko kontu samiņak
esaten egin naiz asi
gaur denborarik ez daukat eta
nik ezin adierazi
gure Loyola'k orla egoteik
apenas zuan merezi
josulagunak bialdu eta
txapel okerrak nagusi
ez gendun uste orlako gauzeik
biar gendunik ikusi.
Leno Loyola'n ikusten gendun
zeru baten irudia
donetasunez betia zegon
barruan zegon taldia
alde danetan ikusi oi zan
garbitasuna ta argia
Azpeitia'ko txiro danentzat
jantzi, jan ta eraria
josulagunak aldendu eta
sartu ezin bizia.
Sortzez Garbiko Ama maitean
beatziurrenak ai dia
anai-arrebak eskatzeizuet
orlaxe jarraitutzia
egun abetan eska zayogun
guk biar degun guzia
josulagunak ekarri eta
Euzkadi azkatzia
gora Jainkua, Aita Iņaki
eta bere Lagundia.
