Baserritarrak alkartu
Atxubiya
Olerki batzuk abestutzeko
gaur artu detan aldia
anai ta arrebai esango dizuet
nik dakitadan pixkia:
basarritarrak entzun zazute
gaur nik egindako deia,
nik gaur eskatzen dizubetena
guziok alkartutzia,
basarritarrok izan dezagun
gere gauzan jabetzia.
Basarritarrok lurperaturik
egon gera orain artian
euskotarraren azkatasuna
ikusi degun artian.
Basarritarrak lana eginda,
agintariak kalian
naiko zitalkeri egin digute
oraindañoko artian
eta aurrera ein ez dezaten
danok alkartu gaitian.
Basarritarroi areriyoak
agertzen zaizgu nunaitik
Udal-erri Aldundi eta
berdin Jaurlari aldetik
Zerga edo Kintribuziyoa
edozer gauz utsagatik
Isunak berriz nunai eta noiz nai
edozer uskerigatik,
¡Amaika alper elikatzen da
basarritarran lanagatik!
Basarritarra; dei maitekiro
eiten dizutet seriyo
maitetasun bat geure artian
jartzia arrern propio.
Basarritarra ez dala ezer
kakanarru askok dio,
biar bezela bere izakerai
ondo beituko balio
basarritarra ausiko duan
kaletarrik ez da jaio.
Ezer gaizkirik jarri baizuten
anai maitiak azketsi
baña basarritar guztiok
geure alderdiai eutsi;
baña kaletar jauntxuen esku
gure konturik ez utsi
aurretik labankeri asko ta
atzetik lagundu gutzi
gure lanaren bitartez dabiltza
ogeitatik emeretzri.
Izparringian abesteu ai naiz
baserritarren aldetik
bazkun eder bat jarri nai nuke
gaurko onetan bertatik
beste guzien gain izateko
eta indartziagatik
baserritarrak bere jabetza
izandu dezan nunaitik.
Agur guzioi biotz-biotzez
Atxubiairen partetik.