Garagartzako sakristauari omenaldia
Asubero
Uztaillaren ogei ta laua,
Egun gogoangarria;
Garagartzako lagun taldeak
Zuretzat omenaldia.
Mutikotatik asita zera
Auzoko mandataria.
Amaika bide astindu dezu
Eleiz dorreko kanpaia.
Ainbat urtean eleiz ortako
Eginkizunak bete ditu.
Gaur urte asko dauzka berekin,
Irurogei ta amairu,
Ta garagartzarrak beste iņor baņo
Biotzez maiteago du.
Urte askoan gure artean
Zu Balentin Bidaburu.
Ain da zuzena eta umilla,
Egizko eleiz gizona.
Mendigoizaleak ezkil otsetan
Alaitu izan dituna;
Neroni ere berari entzuten
Ez naiz asarre egona.
Buru-belarri dabil lanean
Bi eskuekin batera;
Gizon bakarrak musika oberik
Ezin lezake atera.
