Atletik txapeldun
Arzallus, Jesus M.
Zorionez eman dit
bertsotan hastetik
berri onak bai datoz
futbolan atetik
usai bagenduen
joan dan astetik
berriz ere txapeldun
gendula ATLETIK.
Madril da Barcelonak
naiz ez hori uste
harrobi euskaldunak
zenbat buru hauste
txapelik gabe utzi
behar bagaituzte
Brasileino guztiak
beharko dituzte.
Munduko honenakin
dabiltza nahasi
baina ligarik ezin
Madrilen itsasi
arrokerian berriz
ez ditezen hasi
lezioa hor dago
nahi dunak ikasi.
Gauz asko pentsatzera
ditugu behartu
baina itxura danez
ez dira ohartu
ate zainik onenak
hemendikan hartu
ala ere golikan
guri ezin sartu,
Hamaikako onena
zan madrilatarrena
txilibitu ta guzti
hamabigarrena
ezin sinetsiz nago
nola gu aurrena
liga behintzat zihur da
kopa duk urrena.
Inola ezin aipa
denen zerrenda nik
hukatze ez badute
nere ahal danik
Argote pasa eta
rematea Danik
ez dut uste puntero
oberikan danik.
Garbi dago indarrez
etzaudela antzu
ostikoa zorrotza
buruz ere altsu
beti nola zabiltzan
lehen ileran zu
bi gol hoiegatikan
aupa Lizerantzu.
Camerundar Enkono
beltzaren sarian
bi gol penaltitikan
sartuak Sarrian
Joanito han zebilen
jenio txarrian
sartu adi torero
Malaga aldian.
Kontratu berririkan
ez egin Mezgozi
Stilike salduta
Sokrates erosi
salgai omen daukate
Italian Rosi
odola freskatzeko
asunak egosi.
Bi talde erraldoiak
doaz ankaz gora
Kruifen garai onak
datozkit gogora
Maradona ta Txuster
bikote gogorra
obe duk bidaltzea
Videlan ondora.
|