Indar gaiztoak
Arzallus
Indar gaiztoak hartu
milaka adore
gaur bezala zitalak
ziraden len ere
hitzean fin izanda
herrian traidore
ta jarraituko dute
faltso ta dotore.
Hogeigarren gizaldi
da bi mila urte
indar asko dutenak
gizadiai kalte
dirua dan tokian
hartzen dute parte
konzientzi astunak
axolik ez bate.
Indar gaiztoa nondik
zaigu etorria
asko zikindu digu
gure jatorria
behea zapaltzea
da negargarria
horregatik sufritzen
bizi da herria.
Egurrakin egiten
den arte justizi
hemengo jauntxo eta
dabiltzan polizi
gu baztarrera bota
berak nahi bizi
euskaldunen lurrean
gu fiera lenbizi.
Gaur azkar bukatzen da
emandako hitza
egun batean pozik
bestean ekaitza
indar gaizto guztia
gauz ona balitza
gozatuko genduke
munduko bizitza.
Askok ez dute lantzen
Euskaldun jardinik
indar gaiztoko zenbat
euskeraz dakinik
beren interes asko
taldeko ekinik
horrela gaur Euskadin
ez da zer ekinik.
Indar haundiak nola
leike apaltzea
galdu du kale mendi
herri ta etxea
azpikeriaz beti
faltso jokatzea
ta munduan aurrean
arro azaltzea.
Indar haundiko asko
ez dira prestuak
berak dituzten erdiak
besterik ohostuak
behartsu eta haundi
ez fiera justuak
Euskaldunen izena
asko narrastuak.
|