¡Zer likurta!

Arzac, Antonio

 Baso tartean pozik nebillen

 Joan dan illunabarrian

 Alako usai zoragarri bat

 Sentirik beti bidian,

 Ta banetorren eche aldera

 Esanaz nere artian:

 ¿Zerena da au, Maiatz-loreak

 Ill baziran aspaldian?

 ......................

 Ontan, baserri zar-zar batetik

 Entzunik marmarizchoa,

 Alderaturik ikusi nuen

 Zirrituakiñ leioa:

 ¡Bi neskach eder zeuden esaten

 Errosario gozoa,

 Euskal-alaba aien asnasak

 Likurtzen zuen basoa!