Lo! (Nere amari)

Arzac, Antonio

 Mundu ontan jaiotzetik illtzera

 Diralarik asko gora-bera,

 Zerbait dator Zerutikan lurrera

 Gizonaren penak gozatzera.

 Zerbait au da mundua utzitzea,

 Senti Babe begiak istea,

 Illunbetan izarrak ikustea,

 Zeruetan amets egitea.

 ¡O, bai! baña, esnatutzean gero

 Galdetzen det ¿munduan al nago?

 Eta diot: aurra nintzan ezkero

 ¡Nere ama! nik ez det egiñ lo!