Ama triste bati
Arzac, Antonio
¿Zergatik negar egiten dozu
Arri otz orren gañean?...
¿Eztezu ikusten farrez semea
Zerura begiratzean?
¡O zeñ churia agertutzendan
Birjiñaren magalean!
¡Zenen poztiya zure otoitzak
Eskeñitzen dizkanean!
Zizpurucho bat bialdzendizu
Laztan bat eman naiean,
Eta laztan au emangodizu
¡Ara!... joaten zeranean.
Ta bitartean, ama tristea,
Bakar bazaude lurrean,
¡Negar ez egin! ¡zure kutuna
Dago Zeru kutunean!