Ama baten argia
Arzac, Antonio
Ez da Eguzkia, ez ere Illargia,
Da aurraren anima dizdizaria;
Zerutik etorria ara dijoa
Ega choragarrian ¡aingeruchoa!...
¿Negar egiten dezu ama tristea?
Chukazazu agudo ¡poztuzaitea!
¡Bakar, seaska otza, besoak utsik,
Begirazazu an gora emen lurretik!
¿Ez dezu an ikusten Jauna adoratzen,
Jesusekin jostatzen, eta eskatzen
Zuretzat zoriona beti betiko?
¡O ama, ama! ¿Zer dezu malko ori?
Argi egiten duen ur tanto, ori?
-Semearen laztan bat, ¡ez det naiko!-