Ene maite minari
Hartzabal
goiko mendian elurra
errekaldean izotza.
urtu egiten zait bihotza
zutaz oroitzen naizen bakoitzean
zergatik ote didate, maitea
putzu zuloetako urek
ilargiak jotzean
zure begitartea itzultzen?
zergatik ote dut, maitea
xori guztien kantuetan
zure abotsa bakarrik entzuten?
zergatik ote naiz, maitea
uda arrats oskarbietan
zure besoetan senditzen?
esango al didazu
zergatik ortzea
zure begiez izarreztatua
agertzen zaidan beti?
zergatik hegohaizeak biltzen nauenean
zure laztanez goxatzen nauen?
esango al didazu, otoi
maite
zergatik nauzun hainbat maite
zergatik maite nauzun hainbat
txitxarroak amua bezainbat?
amua bezainbat
bezainbat