Denboraren tanpadak gelditu zaizkion bihotzari
Harzabal
esan zidaten behin
gure arbasoen legeak
gure lege zaharrak
ez nituala maite.
esan zidaten
inpernuaz ahaztua nengoela
bere aginduak bazterturik neuzkala
hots, ez nintzela gehiago euskaldun fededun.
Santimamiņeko aita ehiztariari,
hauzoko anaia langilleari
diotan maitetasuna,
ezdu sortaldeko haizeak itzali,
ez eta Libanoko izaiak ere zapuztu.
horregatik
nere heriotzaren,
itxaro duten gure herriaren,
gure hizkuntzaren hilletan,
hortzak kendu,
gau-mahaitxoan utzi
eta gal gal gal algaraz
akelarrean
par egiten dut.
neri zait,
haiek ziotena,
berak egin gabe utzitakoa dala,
berak esan gabe utzia
nik esatekotan dagoala.
eta nik diot,
berak baiņo lege zaharragoak maite ditualako,
gaurko gogo jatorragoak gurtzen ditualako,
Aitoren semeago naizela.