Manechen koplak
Manech artzaina
1
Norte Amerikako eskualde batean
Mendiz-mendi nabila arthalden artean.
Martcho ilhabetheko gauaren minean
Aphur bat gelditzen naiz Dasertu batean.
2
Izarrek zerutikan dute distiratzen,
Mendi gora orotan elhurrak churitzen,
Zerbitzu hoberena zerk dautan bihurtzen
Eskual-aire gozoan hasten naiz khantatzen.
3
Hartz-lehoinek bakharrik bainaute entzuten
Beren orro saminez dautet ihardesten;
Iduriz, oihartzunek harrokak airatzen,
Bainan horien gatik ez naiz ikharatzen.
4
Deusik hurbiltzen bazaut gaizki egiteko
Lagun bat ona badut eskuan hartzeko
«Eskualdun-Makhila» neure zerbitzuko,
Ni chutik nabilano, hau ez dut utziko.
5
Indio, Chino, Moro, badire bakharrak!
Salbaiez betherikan hemengo bazterrak.
Haukien aire eta behatze samurrak,
Laster, eztitzen ditu makhilen beldurrak.
6
Makhila eder hori Mendian ibiliz
Arrotz batzuek dautet behatu bortz aldiz;
Elgarri ziotela yelosia haundiz:
«Ebats nirok bi sosen, itzalean baliz».
7
Segi hadi neyekin, Makhila maitea,
Estimagarri zautak hire ohorea:
Ai! hitaz gabetzeko banu nik zorthea,
Nola segi nezake ene Arthaldea?
8
Oihan beltzetan barna ibilia gatik,
Ez duket zeren izan otsoen beldurrik;
Makhilattoa gora altchatzen badut nik,
Oro, urruntzen dire, zangoak arinik.
9
Chori batek daut erran: «Eskual-herrietan,
«Makhilak dagotzila presondegietan;
«Arrotzek, Eskualduner, khendu eskutikan,
«Ber-hetaz zafratzeko nahikarietan».
10
Behin khenduagatik berriz egiteko,
Ez dukete kreditik lan horri lotzeko;
Milaka baditugu berriak hartzeko:
Gure ontasun eta Elizen zaintzeko.
11
Bertzeren trufa gaichto eta maleziak,
Ezagutzentu orai, Eskualdun guziak.
Makhilez, ditzagula berri yustiziak:
Arrotzer eginaraz kamporat yauziak.
12
Eskual-herritik kampo, Eskualduna frango,
Bagirare zuekin, hor, bat egiteko.
Dezagun bethi, elgar susta eta bero,
Jainko onak adituz, orai eta gero.