Uda berriya
Artola, Rosario
Egun sentiyan azaltzen dira
intzaz bustirik kampoak,
eta choriyak goiz esnaturik
egiten beren kantuak;
loreak berriz zabaldurikan
beren osto chit frezkoak,
banaturikan alde danetan
guztizko usai gozoak.
Eguzkiyare azaldutzenda
diamantesko printzakin,
legortzenditu len bustirikan
zaurien lekuak intzakin;
apaindurikan gelditzendira
beraren diz-dizarekin,
¿Nola biotza ez da poztuko
beti Uda berriyakin?