Zaldi esker gabea

Artola, Ramon

 Oso gaizki moldatzen

 zuben jabe zurrak,

 kolpeka maiz berotzen

 ziozkan ezurrak;

 jaten guchi emanaz,

 makillazopean,

 ibilli erazotzen

 baitzuben lanean.

 Modu arretan zala

 oso gaizki bizi,

 jabeari zioten

 zaldi au erosi,

 eta eragin gabe

 nekerik berari,

 jabe berriyak zuben

 jarri oso guri.

 Ala ederturikan

 indartu zanean,

 nagusiya jarri zan

 beraren gañean,

 zeñak joan bear zuben

 periya batera,

 bañan gaizki zitzaion

 kontuba atera.

 Zaldiya asperturik

 jasotzen jabea,

 goroinka batez zion

 jo erazo bea,

 eta egiñ zizkana

 mesedeak milla,

 lerturik ankapean

 utzi zuben illa.

 ................

 Gure artean ere

 eskerrik gabeak,

 onela tratatu oi

 dituzte jabeak;

 on egillearentzat

 bieitu gizonak

 izan, naitasuna ta

 begiramen onak.