Nere ametsak
Artola, Ramon
Bein egin nuben amets
bat oso pisuba,
echean artu bear
nubela izuba;
etzan gezurra irten
ametz egitsuba,
zarri kanpanak eman
zuten abisuba,
gure echean zala
chiminitik suba.
Beste bat egin nuben
andik bereala,
idiyak arrapatu
bear nindubela;
bada nere ametsa
atera zan ala,
iñautegiya zan da
begira neuguala,
arrapatu ninduben
nik ezdakit nola.
Andik geroagora
nuben berriz egin,
bestek eman da artu
bear nubela min;
denboraz gertatu zan
au ere nerekin,
pelotan nebillela
nere lagunakin,
begiyan joninduten
pelota batekin.
Beste arrats batean
zitzaidan burura,
urtan etorri bear
nuela apurura;
nere zori charroan
zarri amets ura
gertatu zan egiya,
eran nuben ura,
nintzalako erori
kayean putzura.
Urrena egin nuben
(ez baitzait aztuko),
zerbaitek erorita
nindubela joko;
egin nuben ametsa
egi gertatzeko,
tella bat erori zan
eta arrek ni jo,
zeñak bota ninduben
korde bage seko.
Segiran egin nuben
penak bukatzeko
zitzaidala loteri
on bat aterako;
bada chartel bat artu
nuben artarako,
¿eta zer erori zan
chartel arrentzako?
utza, eta ezer ez
berriz neretzako.
|