Kobrezko paziya eta burnizko pertza

Artola, Ramon

 Paziya lagatzetik

 zalako erori,

 kolpe batekiñ egin

 zitzaizkan zulo bi;

 eta eramanikan

 konpontzera bera,

 onen tokiyan pertza

 zuten lagatzera.

 An para zuten bañan

 nola burniya zan,

 eta luzarochoan

 ibilliya etzan,

 erdoiyak janik; eskin

 bat zitzaion ausi,

 eta zar zar zar pisa

 egiten zan asi.

 Ontan paziya zuten

 berriz echeratu,

 eta onek, zanean

 sukaldera sartu,

 esan zion; kopeta

 bezturik pertzari;

 "ken ari ortik, zikin

 zar ipurt beltz ori;

 suba itzaldu baizik

 eztek ik egiten,

 eltzeari ezdiok

 uzten irakiten";

 eta kendu erañik

 zegoan lekutikan,

 zinzillik bera jarri

 zan lagatzetikan;

 jarri bai, bañan sarri,

 zan gaizki ikusi,

 lotsagarri pertzaren

 moduban itsusi;

 bera zalako gaizki

 konponduba izan,

 pertzaren gisan pisa

 egiten asi zan,

 eta etzitzan oso,

 su denak itzaldu,

 zupaturikan zuten

 urtutzeko saldu.

 ................

 Askotan gertatu oi

 dana baita ori,

 par egitez parra-

 garriyak iñori;

 esanaz pazi zarrak,

 bezela pertzari,

 ken ari ortik zikin

 zar ipurt beltz ori.