Joakin arranzalea

Artola, Ramon

 Lengo arrats batian

 zer ere baitera,

 nintzan beranduchoan

 kalera atera,

 eta aiturik zenbait

 kisketazo gogor,

 neregan esan nuben

 suba da nonbait or;

 arrimatu nintzan ta

 San Telmo kalian,

 arranzale Joakin zan

 parketik aldian,

 ari zana zanbaka

 atia puskatzen,

 bost eta errepika

 baitzituben jotzen:

 iñork nola kasorik

 egiten etzion

 gero ta gogorrago

 erasotzen zion;

 ontan atea bota

 zubenean iya,

 azaldu zan goi goiko

 leioan argiya;

 eta aitu zan itz-ots

 amona batena,

 zeñak galdetu zuben

 -¿nor da or dagona?

 -¿nor dan galdetzen dezu

 preskura orrekin?

 esan zion, ni naiz ni

 arranzale Joakin:

 -bañan, Joakin, zu emen

 bizi espazera?

 mudatu ziñatela

 ¿oroitzen etzera?

 -ai, bai aldatu giñan

 egiya diozu,

 nere emazte Juana

 Mari etzera zu;

 barkatu galerazo

 badizut lo ona,

 gau on pasatu zazu

 adio amona.