Gizona eta arkakusoa

Artola, Ramon

 Gizona ari zala

 belarra pikatzen,

 arkakusoak zuben

 an emen tentatzen;

 eta ziolarikan

 eskuba botatzen,

 etzuben gustoz biur

 zezan arrapatzen.

 Modu artan penatzen

 jardunik lanean,

 belar sorta egin ta

 jaso zubenean,

 gertaturikan pisti

 charra bizkarrean,

 sorta aundiya zion

 paratu gañean.

 Orduban azpikoa

 gertaturik larri,

 erreguzka zitzaion

 gizonari jarri;

 esanaz, karga ura

 ken zeiola ari,

 bestela berak lertu

 bear zula sarri.

 Egin bazion edo

 ez ark len gaitzikan,

 erregutzen ziola

 biotz osotikan,

 beraz ezpazan ere

 umeak gatikan,

 arren libra zezala

 gertoi artatikan.

 Artan gizonak ura

 ikusteaz ala,

 umeak gatik ama

 penatutzen zala,

 esan zion ark berei

 barkatzen ziola,

 bañan gañeko kargak

 galduko zubela.

 Eta ala erreguk

 egiñ arren milla,

 pisti char saltakori

 burloso abilla,

 jaiki zitzaiolako

 justiziya billa,

 beraren karga pean

 izandu zan illa.

 ................

 Gaitz egilleak ordu

 segururik eztu,

 berak bere buruba

 jar lezake estu;

 bada kulpak nai arren

 gizonak barkatu,

 justiziyaren kargak

 lezake urkatu.