Erariyaren bertuteac
Artola, Ramon
Erari maitagarriya
sugatik daukat jarriya
argumentu bat barriya,
indarra sera gorputsarentzat
kentsen dozu egarriya;
gausa estima garriya,
bañan zauzkat igarriya,
serala engañagarriya.
Nik zu nor ziñan esuekin
eta gogoz nizun ekin,
fiyaturikan zurekin,
istante batez egin zenduben
nai zenubena nerekin,
biyok giñan alkarrekin,
kontubak ziran gurekin
ondo det nor zeran jakin.
Batek lezake espero,
ondocho edan eskero,
jarriko dubela ere
lotzagarri eta lotzarik gabe
ibilliko dala gero,
korajetzu eta bero,
nonai egiñaz aldero
modu charrean entero.
Indarra erriyak du
esin litekena neurtu,
gisona lezake artu,
ustez tamañan bein eraneta
ninduben oso moskortu,
itzegin ezin ta gortu,
bista zitzaidan laburtu,
tratu onbat nuben artu.
Gustora eran banuben
ondoren pagatu nuben
deskalabratu ninduben;
nere ondotik pasa zan batek
galdetu ziran zer nuben,
ai miñenbat alauben,
nondikua sentitzen nuben,
planta onenbat jonuben.
.......................
.......................
Nai esdubenak erditu
eta ondoren eritu
kontuz eraten aritu;
erari klase guztiyak bere
espiritubak baditu
gure chinchurrak naiditu
gustos eraten baititu,
nais gero berak satitu.
Mudatzen gaitu eranak
mundu onetan geranak
pruebak daduzka emanak,
jeniyo charrak ondutzen
bai ere gaistotu onak,
astu orduban esanak,
eta egindako lanak
naiz gero damutu danak.
|