Zuzen gaitian, denbora dan artian
Artola, Jose
Pekatuaren indarrak gaitu
neke gogorrian jarzen,
biyotz gureko lasaitasuna
du laburtu edo nitzen;
poz gozo eta atzegiñ ona
gu gandik dira aldentzen,
zakarkeri ta desegokizko
gauzaz geradejabetzen.
Oroiturikan zeñen eskashak
geraden mundu onetan,
zuzendutzeko asmo bat artu
zagun gaztiak benetan;
beztela gure bizi laburra
igaroko da neketan,
eta ondoren beste munduban
beti betiko penetan.
Okertasunak utzirik oso
guazen zuzen-garri billa,
oroi gaitian gure gatikan
nola dagon Jesus illa,
gure pekatu barrenekua
len bailen ager dedilla,
¡beso zabalik guretzat anchen
sai dago ardi umilla!
¡Orren gogorrak izango gera
ez biguntzeko federa,
pekatu denak utzirik guazen
len bailen zuzen bidera;
belaunkaturik umill gaitian
Jaungoikoaren legera,
bestela gero denbora joan ta
betiko galduak gera.