Zazpiak bat
Artola eta Elizechea, José
1
Kabi polita leku onean
Arkitutzen dan moduan,
Ala berean azaldutzen da
Euskal erria munduan;
Zazpi umecho egatzen diran
Bezela Kabi onduan,
Pipirripiak eginaz pozez
Beren izkera gozuan,
Modu berean zazpi senide
Gabiltz pozkida osuan.
2
Zazpi anayak biyotzetikan
Maitatu bearrak gera.
Azaldutzeko lege zar eta
Oitura onak aurrera;
¡Gure izkuntzik ez da galduko
Gu sayatutzen bagera!
Baizik gero ta indar onean
Argituko da euskera,
Doatsunezko eta gozozko
Pare gabeko izkera.
3
Gu lau senide Españatarrak
Gera beti euskarekin.
Frantziatarrak zubek irurak
Beti zerate gurekin;
Bide zuzen ta jatorrezkoai
Bear diogu bai ekin,
Kopet argia, musu alaya
Degula beti gurekin,
¡Mundua mundu dan bitartean.
Izan gaite elkarrekin!
4
Gure izkuntzak ez du mugarik
Magal bat degu guziak.
Lur ontakuak Denak bat gera
Naiz Españi naiz Frantziak;
Ama enskarak dianak gaitu
Begi onez ikusiak,
Bere bular ta zumo gozoak
Beti dauzka irikiak,
Ase ditsagun maitasunezko
Gure biotz egarriak.
5
Euskal erriko kabi ontatik
Irten dira Ama gana,
Seme jakintsu oso pizkorrak
Laguntzera beragana
Beti argitan izango dira
Oyek egindako lana;
¿Nork ez dakizki bere izenak
Bilinch, Manterola jauna,
Iparragirre, Betzunze, Abbadie,
Ta Ducoisin kapitana?
6
Gu ere lengo zarrak bezela
Gizonak izan gaitean,
Zazpi probintzi euskaldun onak
Elkarturikan batean
Lege zar eta euskal izkera
Degula borondatean,
Geren biotzak Jaunaren gana
Jarririk fedez betean,
Itsaso, mendi, zelaita lurrak,
Munduan diran artean.