Usoak eta chanchangorriya
Artola, Pepe
Usoak bizi ziran
ganbara batian
oso urgullutsubak
chit libertadian
noiz nai ziran irtetzen
nai zuten lekura
nai bazuten kalera
edo tellatura;
berak esaten zuten,
au da bizitzia
eta beste choriyak
enbiriyatzia;
gu bezelakorikan
ez dago munduban,
¿norbait bizi oteda
gu geran moduban?
Egun batian ziran
joan zelai batera
chanchangorri bat non zan
azaldu bertara;
esanaz zer da emen
gaurkuan gertatzen
¿zubek ere onera
zerate etortzen?
Erantzun zuten "Gaur gu
etorriyak gera
emen egun oncho bat
zelebratutzera;
beti nai degun dena
egitan baitegu
ezeren konturikan
beiñ ere ez degu;
gu gera erregiak,
gu, naidan guziya,
¿zerta itzegiten dek
pizti itsusiya?
jakin zak gure mende
zeratela denak,
eta gu geradela
jaunik ederrenak."
Eranzun zien askar,
chanchangorri arrek;
"ni bizi naiz ederki
gustora, ez zubek;
nik nai detan guztiya
egitan det beti,
zubek, kantatzen ere
ez dezute ongi;
nai detan lekuan lo,
nora nai detan, joan
nai detana kantatu,
nai detan dena jan,
zubek besteren mende
zerate bai, bizi,
gabero joan baarra
lotara igasi;
¿eta nora lotara?
¡ganbara batera!
|