Uda berriya

Artola, Pepe

 Uda Berriyak,

 baztar gaztiyak;

 Ditu ederki lorez jasten;

 egun argiyak,

 zoragarriyak,

 Era onetan dira asten;

 zelai aundiyak,

 intzak buztiyak,

 Ederrak dirade agertzen;

 or marrubiyak,

 guri guriyak,

 Lurretik dira azaldutzen;

 an, gereziyak,

 gorri gorriyak,

 Arbolak ditu ematen;

 emen choriyak,

 aundi chikiyak,

 Ari dirade kantatzen;

 nekasariyak,

 guzti guztiyak,

 Pozez dirade arkitzen;

 gauza egokiyak,

 uda berriyak,

 Ditu mundura ekartzen.