Satitsua eta satorra
Artola, Jose
Satitsua ari zan
soro on batian,
arto landare jaten
sarturik lur-pian;
kaltia egiñ arren
nekazariyari,
esaten zuben: -Ez dit
ajolikan neri
bildur geigo ematen
dit neri lurpian
ibildutzen diranak
ni beziñ gordian;
bildurrez nabil beti
noiz baño noiz emen,
nauten arrapatuko
arto zañak jaten,
satorra ere onen
gisan zan arkitzen,
ark ere landariak
zituben zupatzen;
bañan au ere oso
beldurti izanik,
ibiltzen zan ikaraz
itz abek esanik
-Lapurretan nabill ni
bañan naiz izutzen;
nola bakarrik beti
ibildutzen naizen;-
ontan topo egiñik
biyak an batetan,
oso ikaraturik
geldi ziran bertan;
batek bere artian
esaten zuben au
-¡Ai! neriak egiñdu
onechek ilko nau.-
Bestiak ere onen
gisa ziyon: -¡Ene!
onek ez dit utziko
ezer egin gabe...-
Ala bata bestien
beldurrez zeudela,
diyo an satitsuak
bestiari onla:
-Badakit nere gisa
bildurraz zaudela,
baña lapurretan ni
bezin prest zerala;
eta ni ere nola
nabiillen igualtsu
zer egin bear degun
arren adi zazu ;
nola biyak asmo bat
daukagun artua,
artzagun ondo biyak
geren pekatua;
obe degu elkarren
laguntzan ibilli,
beldur guchigo degu
erukiko noski;
eta izanik emen
jankaya aukeran,
¡a zer ederki biyak
bizituko geran!
Bañan biyak batian
zeudela lurpian,
achur bat sartu zuten
bertara kolpian;
eta bizkarren erdi
erditik sarturik,
gelditu ziran biyak
an chirchillaturik.
...................
Bazter galtzalle asko
izanik munduan
konpondutzen dirade
bi-aben moduan;
elkarren lagunkidan
ibiltzen, baitira,
bañan azkenerako
eroritzen dira.
|