On Domingo Aguirreri donkitua

Artola, Pepe

 Birjiña Ama emen zaudena

 aldariaren aurrian,

 aingeruchoak zure kontuan

 dituzula chit urrian;

 lagun zadazu mundu ontako

 nere bizi laburrian,

 biyotzetikan eskatzen dizut

 belaunkarurik lurrian.

 Zerutik ziñan mundura jachi

 pekatariyaren gana,

 ta aldaretik deitzen diguzu

 alderatzeko zu gana;

 esagutzendet zer ongillea

 zeran guretzako, ¡Ama!

 arrengatikan aldera nator

 eskeintzera nere izana.

 Mancharik, gabe izandu zera

 menderaturik subia,

 erakutziya laja zenduben

 guk bear degun bidia;

 aldaretikan erakutzitzen

 diguzu orain legia,

 esanaz: Beti maitatutzeko

 miragarrizko fedia

 ¡Zenbat mirari egin dituzu

 mundu ontan orain ta len,

 guzti guztiyak dauzkagu ondo

 gordiak buru barrenen;

 eskatzen dizut ¡Ama maitea!

 iltzen naizenian emen

 zeruan zure mantupe ortan

 arnazazula lenbailen.

 Bitarte ontan eman gaitzazu

 betiko zure graziya,

 konserba-zagun fade santua

 len guri erakutziya;

 labur laburra izan dezagun

 mundu engañagarriya

 gero irichi dezagun bada

 zeruetako gloriya.