Menditarra
Artola, Jose
I
¿Mendi-tontorrak dira neretzat
lekurikan ederrenak,
mendi punta ta arkaitz zorrotzak
ditut lagunik onenak;
mendiak dizkit neri aztutzen
izaten ditutan penak,
pensamentu char, errugorriak,
naigabe, tristura lenak,
barrengo pozoi, aje, izuak,
eta atzekabe denak.
II
Auntzak mendia nai duben gisa
bere gozotazunean,
zeña zintzillik ibildutzen dan
arkaitz mutur muturrean:
ala berian sentitutzen det
poza nere barrenean
mendi altzuan zabal zabalik
izaera ederrean
zeru aldera begira pozez
bakarrikl nabillenean.
III
Ez det menditik etzuten ezer
erriko durrunbadarik,
karrasi otza, marrua, bulla,
soñu ta zalapartarik;
deadar, eta oiurik;
birtute onen galgarrirako
sortzen dituzten gauzarik,
emen biotza lasaia daukat,
ez det barrengo koskorrik.
IV
Emen bakarrik, ¡zer sosegua,
zenbat eta altuago!
¿ontako poz ta alaitasunik
be-aldian bai aldago?
iruditzen zait zoru urdiña
askoz dagola bertago,
chori chikiak ere kantari
esnatzen dute goizago
zorion, pake, gloria, dena,
neretzat emenchen dago
V
Eguzkiaren printzak lenago
alaitzen dute mendia,
musu zabalik jartzen danian
apaindtzen du guztia;
begiragarri semeak ikusten
ezta aspertzen degula,
nabaitzenen da aize gozoa
guztiz osasungarria
ipar ldetik egan jostatzen
sapiastaran etorria.
VI
Sasi tartean lore ederra
sortu izan dan modura,
ala berian sortua naiz ni
euskal mendian mundura;
ez du desio nere barrenak
erriko otz aundi ura,
uskeri eta aiziak sartzen
dituztenak maiz burura,
¡emen bakarrik nai det nik bizi
begiratuaz zerura!