Krabeliña eta osiña. (Nere adiskide Ignacio Uranga-ri)
Artola, Pepe
Krabelin churi gorri
biziro polita,
neguan osto ederrez
ederki jantzita;
esaten zuben.-¡Ai! zer
ederra naizen ni,
nere parekorikan
ez dira baste bi;
pena det belar chatar
oyen inguruan
bizi bear detala
luzaro munduban...
Osiñak esan ziyon;
-"Adi beza, jauna.
¿bakarrik nai al-luke
jaso emen fama?
bada guk ere zerbait
nai genuke izan
beok dezio eder
dutenaren gisan...-
¡Ozer belar char zera
ikutu eziña!
Esan zazu,-¿zer zera?
-¡zer naizen?... Osiña...
Ez pentsatu baliyo
dubela ichurak,
askotan nik sendatzen
baititut tristurak;
gizon asko dirade
gaur nerekin fiyo,
nere urak zenbaiti
on egiten diyo:
baña beok ¿ichura
besterik aldute?
¡ezer gauzetarako
baliyo ezdute!
beon politasunak
ere, du baliyo,
gu, itsuziyak emen
gerala meriyo,
zergatikan ez balitz
iñon itsuzirik
politak ez luteke
estimaziyorik...
egiya da orain naiz
kontura orori,
zerbait graci zigu'a
jaunak jarri guri.
..................
Naiz dala jayo pplit
edo ta itsusi,
mundu ontan guztiyak
dute zerbait grazi;
zergatik gertatzenda
askotan gizona,
gauz baterako charra
besterako ona.
|