Konzeziyoko Amari

Artola, Pepe

 Argiyen printzak diran bezela

 kristaletikan pasatzen,

 zeñetan ez dan arrastorikan

 ezerenikan geratzen,

 ala berean zera Birjiña

 mancharik gabe azaltzen,

 zeñetan zeran argi guztiyen

 gañian beti alchatzen.

 Suba zatarra ibildu zana

 ingurutikan zulatzen,

 jakin zenuben beti betiko

 zure oñ azpiratutzen,

 bere pozoyak zu ikutzeko

 milla sayo egin zuben

 baña alare aren indarrak

 ezer baliyo atzuben.

 Zure argiyak Luzifer bera

 zuben ezkutaratutzen

 asten zanian gaitz egin nayan

 zu-gana alderatuzen.

 Zeruko Ama, printzaz betea

 zeradena gaur agertzen,

 Zure ganuntza gera guztiyak

 pozez betiak gaur biltzen;

 pekatariyak gera, baña, Zu,

 gutzaz zerade kupitzen;

 ala gaur egin genezaguken

 onak, ditugu eskeiñtzen,

 gure otoitzak Zureganuntza

 ditugu pozez bigaltzen,

 ala berian ¡Ama maitia!

 dizugu orain eskatzen,

 ez gaitzazula zekulan utzi

 Zuregandikan alderatzen,

 bildoch mantsuak uste gabian

 diran bezela galdutzen,

 modu ontara Fedian beti

 ea ote-geran bizitzen,

 gero Zeruan toki on baten

 jabiak izan gaitezen,

 Amen.