Jostaketa charrak

Artola, Pepe

 Zakar bati mutillak

 ziyoten beiñ lotu,

 izatzetik poto bat

 zitezen jostatu;

 eta eskuetatik

 zutenian utzi,

 au, traba arri begira

 bueltaka zan asi;

 eta ikaraturik

 poto zar ta guzi,

 abiyatu zan bere

 arekin igasi;

 zenbat eta geyago

 ark korritzen zuben,

 orduan ta soñua

 geigo zuben jotzen;

 erdi ichutu eta

 zoratu nayian,

 zalapartan jira zan

 kale kantoyian;

 bañan amona shar bat

 topo egiñik an

 ankak korapillatu

 zitzaizkan zoka artan

 ta kolpez erori ta

 auzpez jorik lurra,

 gajuari urratu

 zitzayon zugurra.