Jostaketa charrak
Artola, Pepe
IX
Arrandei-ko ishkikiñan
zigarro erratzen,
bi mutill koskor ziran
batian arkitzen,
bidez pasadizuak
elkarri kontatzen,
batak bestiari au
baiziyon esaten.-
Nik bazekiat kia
ederki tragatzen
-Nik berriz zudurretik
lasai ateratzen;
len erdiya bakarrik
nikan nik fumatzen
bañan oraiñ osua
chit aisa supatzen.
Len poshporo eskatzen.
ginducan ibiltzen,
bañan neronek orain
dizkiat erosten.
Ontan biyetan baten
aita da azaltzen,
eta ikusirikan
au kia botatzen,
lepo zamarretik ¡ran!
diyo kolpez eltzen
eta zertan ari dan
berari galdetzen.
Mutilla trantze artan
nola zan arkitzen
patrikan zigarrua
presas gorde zuben,
bañana patrikarako
poshporuak zuzen,
berotasunarekin
zart su artu zuten
eta asirik bere
chamarra erretzen
lana franco izan zan
gorputzetik kentzen.
X
Mutill koskor bik zuten
asto bat ikusi
librian zebillala
soka zur ta guzi;
pentsatu zuten biyak
bizkarrera iyo,
eta asto gañian
ibiltzia yayo;
joanik, berarengana
igo zan bat azkar,
bañan au mugi nai ez
zegoen oso zakar;
goikuak diyo -Ar-zak
ango arbast ura
ta ik juaz artuko
dik abiyadura
esan bezela jotzen
asi zan anketan
bañan anpullasoka
asirik batetan
atzekua jo-zuben
abuan ostikoa
zeñari autzi zizkan
iru edo lau ortz,
ala berian goyan
zegoana botarik
eta arri tartera
auzpez eroririk
zugurra urraturik
zitzayon odoldu,
eta begi onduan
chunbua azaldu.
|