Gure izaera
Artola, Pepe
Nere adiski Francisco Lopez jaunari Donkitua
Arbol on batek lore ta fruta.
ematen duben modura,
ala berian gizona ere
sortutzen baita mundura;
orriz betia, ta preskotasun
ona dutela ingura,
gero aundiya izan dediyen
denborarekin fruta-ura.
Chikitan gera oso biguñak
presko polit ta bishiyak,
choratzen gaitu edozer gauza
ikusten degun guziyak;
lotura ere eziñ iduki
dantzan ezur ta mamiyak
aizea beziñ fiñ memoriya
eta ernayak begiyak.
Gerora, zerbait koskortutzian
besotik gera irtetzen
eta bakarrik geren modura
nola gera ibiltzen;
josiatutzia beste gauzarik
etzaigula bururatzen,
ibiltzen gera gure soñeko
zarpa zar denak urratzen.
Ondoren gera oso ornitzen
fruta sasoyan bezela,
geronen lan ta kontuetara
zuzen eterzen gerala,
onez aurrera gure denbora
joaten da uste ezdala
ain azkar nola sutunpatikan
aidean joaten dan bala.
Illia joaten abiyatzen da
bista ere bai laburtzen
pausua oso nagitu eta
ezurrak berriz gogortzen:
belarriyak len ernai ziranak
erdi ichu edo gortzen,
ala berian itza moteldu
eta bizkarra makurtzen.
Indar guztiyak uste gabian
gorputzetik dira galtzen,
memoriyare pishka banaka
medariurik da chit aultzen;
akulluakin zulatu ta ere
ez da errezki mu gitzen
¡Ara gizonen aunditasunak
zertara diran biurtzen.