|
Andredena Mariari
Atsekabe garratzetan
Ondatua det gogoa:
Zuri oyuz nagokizu,
Oi Ama zerukoa.
Zure begi ezti oiek
Nigana itzul itzatzu:
Ene Ama, ene Ama,
Ai! guzaz errukitu.
Zenbat neke daramagun
Zeru-bide malkarrean,
Zenbat lar, zenbat arantza
Sortzen zaigun aurrean.
Zuk gure neke samiņok
Arindu ditzaketzu;
Ene Ama, ene Ama,
Ai! guzaz errukitu.
Illunbetan, itsu-itsuan
Gabiltza emen lurrean,
Leiza-zuloen batean
Amiltzeko zorian.
Oi zeruko izar ederra!
Gure bidea argitu;
Ene Ama, ene Ama,
Ai! guzaz errukitu.
Gu galdu naiez dabiltza
Etsaiak gure aldean,
Sareak jarri dituzte
Gu gabiltzan bidean.
Galbide guzietatik
Zuk begira gaitzatzu;
Ene Ama, ene Ama,
Ai! guzaz, errukitu.
|
