Baratzako arrosa eta sasikoa
Artola, Jose
Arrosacho eder bat
baratza batean,
oso orriz betea
baizeguen aidean,
ain zan polita guztiz
eta egokiya,
kolore ederduna,
aiņ churi gorriya,
zeņak uste baizuben
bere izatia,
izango zala endik
errira joatia,
galai edo damaren
soņian jarriya,
izan zediņ guztiyen
begiragarriya.
Sasi tarte batean,
erdi ageriyan,
zeguan beste arrosa
oso miseriyan,
esanaz:-Neri ez dit
iņork begiratzen,
alaz guziz emenchen
pozez naiz bizitzen.-
Orla ari dirala,
bi arrosak, elkar
ikusi ziran eta
mintza ere azkar...
Baratzakoak ziyon
esan besteari:
I, ez aiz ni bezela
polita ageri.
Zokuan ago erdi
gordean, itsusi,
ez dek izango iņoiz
ik, nik ainbat grazi.-
Ontan neika koskor bat
zan ara etorri,
eta ikusi zuben
arrosa eder ori,
zeņak zuben eskuan
beriala artu,
baņan andik puntura
zuben purrakatu;
bestia berriz bere
sasiyen tartian
bizi izan-zan ondo
igartu artian.
..............
Ez degu esan bear
izango naiz ondo,
ez det ur ontatikan
beiņ ere erango;
zergatik uste arren
gauz onak espero,
gerta liteke oker
irtetzia gero.
|