Azeriya
Artola, Jose
Azeri zar bat sartu
zan zelai batera,
egazti asko zeuden
lekura jatera;
onek zuben asmoa,
geyenak zeudezen
lekura iristia,
ostu zezazkiyen.
Ala abiyaturik
bertaraño zan joan,
lendabizi arkitu
zuben jaten bat an;
eldu ziyon berari
sendo zintzurretik,
eta au esan zuben:
(ondo pentsaturik)
«Au utzirikan joaten
banaiz ni aurrera,
egazti asko pillan
dabiltzan tartera,
agiyan denak igas
egingo luteke,
orduan ezer gabe
gelditu nindeke.
Ez, ez, nayago det bat
seguru izanik,
jan deskantsu onian
beldur gabetanik.»
..................
..................
Obea da gauza bat
iduki seguru,
eta ez denak nairik
beste asko galdu;
esaerak diyona,
«Chori bat eskuan
obea da, eta ez
egun inguruan».
|