Azeriya eta pulpoa
Artola, Jose
Gosiak zebillen beiñ
azeri satar bat,
eziñ billaturikan
jan-kairik beretzat;
zulo eta bazterrak
miratuagatik,
eziñ arkitu zuben
iñon jatekorik;
eta plakiz betea
nairik zerbait era,
etsi-etsiya joan zan
arroka tartera;
zeñak ikusirikan
zangurru asko an,
asi zan arrapatzen
zezazkiyen an jan;
bañan bati kolpia
bota ordurako,
beste asko gordetzen
ziran punturako.
Alaz gumiz bertan an
zai egoten baitzan,
ikusi nairik iñor
irtetzen ote zan.
Uste gabian bere
isatsa urpian
sartu zuben, eta ¡rau!
pulpoak kolpian
guarrak isatsetikan
zizkan prest eatzi
zeñak sendo loturik
nai etziyon utzi;
eta ura goratzen
nola baizen ari,
eta pulpoak nai ez
utzi isatsari;
aboraño zitzayon
ura inguratu,
zeña zan arkaitzetan
ito-ta gelditu.
...............
Zenbait gizoni ausen
zayote gertatzen,
zerbait nairikan era
ez danian sortzen;
biar ez dan lekura
prest dirade sartzen,
zeñak diran askotan
kaltian geratzen.
|