Atia. (Ipuia)
Artola, Pepe
Putsu eder batian
zalarik atia,
bururatu zitzaion
alde egitia;
esanaz-Beti emen
nago aspertua,
beti leku batian
¡au gauza tontua;
nayago det kanpora
pishka bat atera,
echolak eta beste
gauzak ikustera.
Asi zan joaten bere
pauso mansarrian,
ikusi zuben echol
polit bat birian;
-¡Ai zer gauza ederra
ageri dan orchen,
ikusi gabe ez det
lajako orishen;
ygotzen abiyatu
zan ol zar batan,
bañan nola oituba
etzegoen artian;
erori zan amilka
eta jorik lurra,
bertan ill-zan autzirik
bere lep-ezurra.
................
................
Onek erakustendu
gu ere nolatan,
ez geran kontentatzen
geronen lanetan;
beti sartu nai degu
besteren gauzetan,
ta oker ateratzen
gera geyenetan.
|