Arratoia. (Ipuia)
Artola eta Elizechea, Jose
Kucha baten azpiyan
chulo chiki bat zan;
arratoi langille bat
sartu zan azkar an;
esanaz: "leku ause
naiz chikiya izan,
laister aundituko det
lenguaren gisan.
Nola laister umiak
egingo ditutan,
¿chiki gaisoak nola
utziko ditut an?
Ez, kabituko gera
toki berri ontan,
lekua egingo det
laister urraketan."
Esan ta egiñ, bertan
asi zan urratzen,
gerora bear zuben
lekua aunditzen;
ainbeste ziyon bada
lurrari kendutzen,
zeñaz kucha asi zan
piska bat mugitzen.
Ontan an sortu dira
amar enbat ume,
batzubek arrak eta
beste zenbait eme;
kucha mugitu dute
noski uste gabe,
¡erori da ta bertan
denak ill-dirade!
.................
Arratoiaren gisa
joatian lanera,
begiratu dezagun
inguru danera;
ezdediyen gertatu
gurekiñ au bera,
uste gabian zerbait
erori gañera.
|