Aritz bedeinkatua
Artola, Jose
Jaungoikoak aritz bat
zuben bedeinkatu,
eta, chit lur sendoan,
Gernikan paratu;
euskaldunak zezaten
biyotzez maitatu,
eta bere frutuak
sekulan ez galdu.
Ala, euskaldun zarrak
Jaungoikozko lanak,
gorde izan dituzte
kontu aundiz danak;
kunplitzen ere ziran
beraren esanak,
gorderik kontuz frutu
aritz ark emanak.
Etsaya beti nola
dabillen tranpiyan,
bota nai izan zuben
jorikan gerriyan;
utzi ere baizuten
estura larriyan,
oker oker eginta
iya eroriyan.
Bañan euskaldun zarrak
beregana joanik,
eta zeuzkan zauriyak
kontuz sendaturik,
jaso zuten guztiyen
artian lurretik,
zeñak sendo loturik
para zuten zurik.
Oraiñ ere etsayak
nairik lurperatu,
ekin diyote, bañan
ez da lurreratu;
egin diyotena da
indarrez okertu,
bañan zaiñ denak zaizka
osorik gelditu.
¿Zer esango luteke
lengo gizon zarrak,
lurreratu ezkero
aritzen adarrak?
ez, eatsi zaizkagun
denak atzaparrak,
sendatzeko gorputzak
dauzkan atzamarrak.
Ea, gazteak oraiñ
len zarrak bezela,
baturik jaso zagun
chit gora arbola;
eman zagun sendakai
daukagun odola,
etsayak ez dezaten
mugitu iñola.
Sendatzen badiyogu
dadukan zauriya,
Jaunak bigalduko du
guretzat sariya;
izan dedilla koroi
bat guztiz aundiya,
berak estali dezan
Euskaldun Erriya.
|