Amona eta aurra
Artola, Jose
Amonarekiñ aurra genuben
guk bigaldu beiñ kalera,
oso egualdi ona nola zan
piska bat pasiatzera;
eta andikan goiz zetozela
aurra ta biyak echera,
San Bizenten zan amona sartu
zerbait erregututzera.
......................
Aldare aurrian arkitzen zala
aurchoarekiñ amona,
Ama Birjiña ikusirikan
aurrak nai zuben argana;
amonak diyo berialasen:
-Guazen, guazen, beragana.-
Oñetaraño eramanikan
diyo-¿Zein da ori?... ¡Ama!
¿Musu gozo bat eman zayozu?-
Eta aurchoak diyo-¡Maa!
|