Ama falta

Artola, Jose

 Ainbesteraño maite ninduzun

 Parerik gabeko ama,

 Zere denboran ni laztanduaz

 bizi izango ziñana;

 Arkitzen zera mundu ontatik

 Gu emen utzi ta joana.

 ¡Zutzatz erruki dedilla gure

 Egillea eta Jauna!...

 Nere biyotza dago eriya,

 Malko zendoaz loturik,

 Berak dakarren sentimentua

 Barrendik eziñ botarik;

 Miña lotu dauka, ta dago

 Pena ta zauri egiñik,

 Sosegatzeko eziñ sortu det

 Ezer onentzako diñik.

 Pentsamentuzko sorta bat dizut

 Zuri eskeintzen dan,

 Au da zugatik seme on betek

 Egiñ al-lezakena;

 Zenbateraño oroitzen naizen

 Eziñ esan leike ¡ama!

 Otoitzak ere eskeintzen ditut

 Biyotzez beti zugana...