Ama falta

Artola Elizechea, Jose

 Ainbesteraño maite ninduzun

 parerik gabeko ama,

 zure denboran ni laztanduaz

 bizi izandu ziñana;

 arkitzen zera mundu ontatik

 gu emen utzi ta joana.

 ¡Zutzaz erruki dedilla gure

 Egillea eta Jauna!...

 Nere biyotza dago eriya,

 malko sendoaz loturik,

 berak dakarren sentimentua

 barrendik eziñ botarik;

 miña lotua dauka, ta dago

 pena ta zauri egiñik,

 sosegatzeko eziñ sortu det

 ezer onentzako diñik.

 Pentsamentuzko sorta bat dizut

 zuri eskeintzen gaur dana,

 au da zugatik seme on batek

 egiñ al-lezakeana;

 zenbateraño oroitzen naizen

 eziñ esan leike ¡ama!,

 otoitzak ere eskeintzen ditut

 biyotzez beti zugana...