Ama eta lau aizpak. (Ipuia)
Artola eta Elizechea, Jose
Amak.-¿Zer dakarzute onuntz
orrela negarrez?
Alabak.-¿Zer dakargun? -Bai, zer da,
esan emen. -Deus ez.
-Bada zuben begiyak
oso triste daudez,
¿miñ-enbat aldezute?
-Bai alasen gaudez.
¡Ama euskara! Ni naiz
alaba zarrena,
Nafarroa deitutzen
dirate izena;
gaitzak ni arrapatu
ninduben aurrena,
zeñaz daukadan oso
tristea barrena.
-Ni naiz berriz bedorren
bigarren alaba,
pontian jarriya det
izena Araba;
nere gorputza dago
aiñ illun non gaba,
ez daukat sosegurik
non nai daukat traba.
-Eta zuk, ¿zer dakartzu
Bizkaya maitia?...
-Lotsatu egiten naiz
ama esatia...
Nik ere daukat barren
nerian katia,
zeñak egiten diran
gogorki kaltia.
-Ni okerragoa naiz
bedorren Gipuzkoa,
burua daukat jo ta
egiña bi puska;
etsayak etorririk
nigana muturka,
egin dirate denen
artian burruka.
-Atozte onuntz, nere
alaba gaisoak,
zabaldurik emenchen
daukazkit besoak;
negarrez jartzen dira
zuben gurasoak,
etzautela ikusirik
len beziñ osoak.
-Eziñ mugitu gera
gauden modu ontan,
triste pasatzen degu
eguna prankotan;
gabaz berriz ez degu
sosegurik lotan,
nekiak auldu eta
geren lekuetan.
¡A! Denboraren mudak
ekartzen du miña,
pisutzendu gorputza
len zapa ariña;
-Amak senti du, zubek
sendatu eziña,
alaz guztiz egingo
du, bai, alegiña.
-Ama, ez bedi orrela
gugatik estutu,
obe luke bedorrek
au lenbait-len aztu.
-¡Ez, alaba maitiak!
arkitzen naiz estu,
eta nai det albada
zuben gaitza poztu.
-Bañan ¿erremedio
guretzat bearra,
sendatzeko barrenan
daukagun su garra,
non billatuko degu?
-Jaunaren indarra
daukagu Zeruetan
pozteko min charra.
Erregu dezayogun
belaunikaturik,
biyotz biyotzez denak
ondo elkarturik;
ea modu ontara
Jauna kupiturik,
eratzen ote-degun
erremediyorik.
Eta uste bezela
sendatzen badigu,
len degun bañan geigo
maitatuko degu;
lege zar ikasiyak
gordeko ditugu,
egiñaz biyotzetik
Berari erregu.
|