Aita Santu Leon XIII-garrenari bere urreztayetan
Artola Elizechea, Jose
Jargoyan ipiñiya
ara or non dagon,
pare gabeko gure
Aita Santu Leon;
zelatari argiya,
egindu zenbait on,
ez danak ardiyaren
kontuan lo egon.
Orain dira berrogei
eta amar urte,
apaiztu zanetikan
oneraño arte:
erakutsi du beti
zenbait borondate,
orain urre-eztayak
izan bear dute.
Nola erregaliyak
askok dizkan egiñ,
nik ere gogoz niyon
lan oneri ekiñ;
bañon arkiturikan
deus gabe nerekiñ,
begiyak busti zaizkit
sentimentuarekiñ.
Bañan ¿zer egingo da?
izan arren pobre,
nere izate danak
bedorren gain daude;
ala utzi nai-ezik
zerbait eman gabe,
egin bedi gaur nere
biyotzaren jabe.
|