Oroitzen naiz
Bordari
Anai José Ignacio'ri otoitz gisara. G. B.
Biotzkiro nai nituzke
bi bertso lerratu
Negar malkoz zure illeta
nolabait txuritu.
Oroitzen naiz
nola; aurra ni
-lumatzeko txori-
ikas-soinaz
zenidan zuk jantzi.
Oroitzen naiz
nola: Frér! Frér!
Eskolan guk zuri.
Zuk biotztun,
begi gozoz,
jaramon danori
Oroitzen naiz...
"Izan" dala
Lasallear
Ikur gidaria
Izar ziñan.
Irakasle
argi-izpiz ornia.
.................
Zure izarrak
ez du izpirik
geiago lurrian
Argi dagi
Betirako
Zeru ederrian.
Oroitzen naiz...
Oroi zaitez
zeru ortan
Oroituko naiz ¡Ots!
Jaunartzean.
Agur... Anai
José Ignacio
Laister arte.
|