Uda berria

Artola

 1

 Uda berri atzegiña

 Lore denen erregiña;

 Azaltzen zera inguraturik zeru zabal ta urdiña.

 Zuk sendatzen dezu miña

 egu charrak eragiña!

 2

 Ematzen da goiz eguna

 Garbi gozo ta leguna;

 Banatzen dezu mundu denai soma la gozotasuna,

 Lurren aberastasuna,

 Ta gizonen osasuna,

 3

 Zuaitz ta arboldegiyak

 Daude tente ta egokiyak;

 Seazkachoa bezela kontuz mugiturikan orriyak,

 Ayen tartean kabiyak,

 Bizi ditezen chorriyak.

 4

 Ibai ta errekachoak

 Umillak eta manchoak;

 Agerturikan legun ta garaiz beren ur garbi goshoak.

 Zuzen egiñaz gashoak,

 Ibillera erosoak.

 5

 Pozkida lurrekoari

 Banatzen dezu ugarri;

 Alde denetan alaitasuna besterik ez da ageri,

 Denak eskerrak kantari

 Ezkeintzen dizute zuri.

 6

 Azaltzen dira loriak

 Usaidun ta dotoriak;

 Erakutziyaz beren kolkotik denak beren koloriak

 Churi urdiñ ta moriak.

 Zein bañan zeñek obiak.

 7

 Chori chikiyak kantari

 Goshoro dirade ari;

 Beren itskuntza jostagarrian deituaz pozez elkarri,

 Chiu chiu, kuku, chirri,

 Ta hestiak pipirripi.

 8

 Michirrikak ere anitz

 Lore tartean or dabiltz;

 Seda moduko beren gorputzak egiten dutela diz diz.

 Iduritutzen da aldiz,

 Beteak daudela argiz.

 9

 Geresi ta marrubiyak

 Ageri dira gorriyak;

 Beren likurta pare gabean sumo gozoak nasiyak.

 Izaeraren graziyak,

 Ezkeintzen dute guziyak.

 10

 Mendi baso ta zelayak

 Azaltzen dira galayak;

 Denak girotzen ditu ain egun bigun gozo ta alayak,

 Ageri dira ernayak,

 Pill pill zerbait eman nayak.

 11

 Naiz artzai naiz nekazari,

 Pozturik dira ageri;

 Ikusirikan beren egintzan badatorrela ugair,

 Eskerrak Jaungoikoari,

 Ematen dakite sarri.

 12

 Chukunak eta zuriyat,

 Arki dira baserriyak;

 Eguzkiyaren printsa suzkoak alaiturikan guziyak,

 ¡Orlako gauza egokiyak,

 Dakarki Uda Berriyak!