Akelar txuri (Elurtez)

Artetxe, Eulogi

 Ikus orra, zerutik jasten

 Edur matasak...

 Aiz-eragiñen txorabioan

 Odeizko lorak,

 Jira-bira itsumustuko

 Sorgin jolasak.

 Aidezko jantzan «Maitagarri»

 Txuriz jantziak,

 Negu jaunaren eztaietako

 Emaztegaiak.

 Au edurte!... Eztai-oial

 Txuri-txuria,

 Ezkontzarako leun-leun

 Goitik jatsia,

 Ikuskizun ikusia, baiña beti

 Ikusgarria.

 Matasa ariñak ziarretara

 Darabillen jantza

 «Akelar Txuri» negu ta edurren

 Eztai ezkontza.