Udabarri
Arteaga, Lon
Ibaizabal'en landak loremin:
ba-dator udaberria,
gaztediaren arnasa beroz
berbiztu nairik erria...
Odola gorri, arimak zuri,
zelai-mendiak orlegi...
Euskal-gazteok, lora barriak,
gizonki emon arpegi!
I
Euskal-erriko zugatz zarrean
kimu barriak ernetan...
Aretx zar ama seme gazteok
ezin ikusi penetan.
Goiko Aitaren Lege Santua
sakon sarturik muiņetan,
ekin, gazteok, amatxo zarra
odol barriaz betetan.
II
Biotz-ezpanen ezti gozoa,
asaba zarren euskera,
oitura, lege, dantza ta kantak
itzuli erri maitera.
Aretx santua maitatuz beti,
Aitor'en seme antzera,
Zornotza aldeko kimu barrien
"Udabarri" jo aurrera!