Maite zaitut
Lon, (Aita)
Maite zaitut, Jauna! Zu maitatzeko,
Ez nukean zeruaren bearrik;
Ez betiko suaren oroipenik,
Pekatuko bidetik aldentzeko.
Zuk beartzen nauzu! Oi, Gurutzeko
Zure lotsaizun eta oņazeak,
Zu odolez ta zauriz ikusteak,
Nigaitik iltzen, ni berrerosteko!
Maite zaitut, gogo, biotz, adiņez;
Zerurik ez-arren ta inpernurik ez,
Maiteko zinduket neurri berdiņez.
Ez dizut eskatzen, Jauna, ordaiņik;
Ezpa'nu ere betiko saririk,
Maiteko zinduket gaur bezelarik.